Wednesday, October 14, 2009
மைக்ரோவேவ் அவனில் செய்ய சில ரெசிபி
தேவையான பொருட்கள்: பொலபொலவென வேகவைத்த சாதம் - 3 கப், மிகச்சிறிதாக நறுக்கிய பூண்டு - ஒரு மேசைக்கரண்டி, வெங்காயம் - ஒன்று,காரட் - ஒன்று, கோஸ் - 100 கிராம், வெங்காயத்தாள் (நறுக்கியது) - ஒரு கப், முட்டை - 4, லைட் சோயா சாஸ் - 2 மேசைக்கரண்டி, உப்பு, வெள்ளை மிளகுப்பொடி - சுவைக்கேற்ப, எண்ணெய் - 2 மேசைக்கரண்டி, பால் - ஒரு மேசைக்கரண்டி
செய்முறை : ஒரு வெங்காயம், காரட், கோஸ் ஆகியவற்றைப் பொடியாக நறுக்கி, ஒரு தட்டில் தனித்தனியாக வைத்துக் கொள்ளுங்கள். பொரோசில்அல்லது கனமான பைரெக்ஸ் பாத்திரம் ஒன்றினை மூடியில்லாமல் 3 நிமிடங்கள் மைக்ரோ ஹையில் சூடுபண்ண வேண்டும். சூடான பாத்திரத்தில் ஒரு கரண்டி எண்ணெயை ஊற்றி, அதில் வெங்காயம், பூண்டு ஆகியவற்றைச் சேர்த்து இரண்டு நிமிடங்களுக்குப் பொரியவிட்டு கிளறி விடவும். அடுத்து காரட் சேர்த்து 1லு நிமிடங்களும், பின்னர் கோஸ் சேர்த்து 11/2 நிமிடங்களும் வேகவிட வேண்டும். இடையிடையே கிளறிவிட வேண்டும். அடுத்து வெங்காயத்தாளைச் சேர்த்து லு நிமிடம் வதக்கிய பின்னர், காய்கறிகளுடன் சோயா சாஸ், உப்பு, மிளகுப்பொடி ஆகியவற்றை சேர்த்து அதில் சாதத்தையும் கொட்டிக் கிளறி 2 நிமிடங்கள் மைக்ரோ ஹையில் வேக வைக்க வேணடும். வேறு ஒரு பாத்திரத்தில் மீதமிருக்கும் ஒரு மேசைக்கரண்டி எண்ணெயை ஒரு மூடியினால் மூடி சூடு பண்ண வேண்டும். ஒரு சிறிய பாத்திரத்தில் முட்டையை உடைத்து ஊற்றி அதில் கொஞ்சம் உப்பு, மிளகுப் பொடி, பால் ஆகியவற்றைச் சேர்த்து நன்கு அடித்து எண்ணெயுடன் சேர்த்து மூடி 1லு நிமிடங்கள் வேகவிடுங்கள். இடையில் ஒரு முள் கரண்டியினால் கிளறிவிட்டு, தொடர்ந்து 2 அல்லது 3 நிமிடங்கள் ஓவனிலேயே வைக்க வேண்டும். சூடாக இருக்கும் ஃபிரைட் ரைசின் மீது பொரித்த முட்டையைப்பரப்பிப் பரிமாறுங்கள். முட்டை பொரிப்பதற்கு மைக்ரோவேவிலும் சாதாரணமாக காஸ் அடுப்பிலும் ஒரே அளவு நேரம் எடுக்கும் என்பதால் காஸ் அடுப்பிலேயே கூடப் பொரிக்கலாம். இதனால் நேரம் மிச்சமாகும்.
இஞ்சி முந்திரிபருப்பு சாதம்
தேவையான பொருட்கள்:
பாஸ்மதி அரிசி - ஒரு கப்
தண்ணீர் - 2 கப்
பட்டர் - 30 கிராம்
பூண்டு (அரைத்தது) - ஒரு தேக்கரண்டி
நறுக்கிய முந்திரிப்பருப்பு - 1/2 கப்
இஞ்சி மொரபா (நறுக்கியது) - 1/2 கப்
சீரகப் பொடி - 1/2 கப்
புதினா இலை (நறுக்கியது) - 2 மேசைக்கரண்டி
உப்பு - தேவையான அளவு
அலங்கரிப்பதற்கு முந்திரிப் பருப்பு - 10 (பட்டரில் வறுத்தது)
செய்மு
றை: ஒரு கப் அரிசியைக் கழுவி 2 கப் தண்ணீர், உப்பு சேர்த்து 15 நிமிடங்கள் சமைக்க வேண்டும். ஒரு தேக்கரண்டி பட்டரில் பத்து முந்திரிப் பருப்புகளை ஒரு நிமிடம் வதக்க வேண்டும். மீதி பட்டர், பூண்டு, நறுக்கிய முந்திரிப் பருப்பு ஆகியவற்றை ஒரு அகன்ற பாத்திரத்தில் போட்டு இரண்டு நிமிடங்கள் மைக்ரோ ஹையில் வதக்க வேண்டும். இடையே ஒரு தடவை கிளற வேண்டும். சாதத்தையும் சீரகப்பொடி, புதினா இலை, இஞ்சி மொரபா ஆகியவற்றை அதே பாத்திரத்தில் கொட்டிக் கிளறி மீண்டும் மைக்ரோ மீடியம் ஹையில் 3 நிமிடங்கள் வேக வைக்க வேண்டும். இடையிடையே கிளறி விடவும்.
ஸ்டாண்டிங் டைமாக ஒரு நிமிடம் ஓவனிலேயே வைத்திருந்த பின்னர், வெளியில் எடுத்துக் கிளறி வறுத்த முந்திரிப் பருப்பினால் அலங்கரித்துப்
பரிமாறலாம்.
ஸ்டப்டு கேப்சிகம்ஸ்
தேவையான பொருட்கள்:
பச்சைக் குடமிளகாய் - 2
நறுக்கிய வெங்காயம் - 2
நறுக்கிய பச்சை மிளகாய் - - ஒன்று
வேகவைத்து தோலுரித்த
உருளைக்கிழங்கு - 200 கிராம்.
பொடியாக நறுக்கிய கோஸ் - 100 கிராம்
மெயோனேஸ் - 1/4 கப்
துருவிய சீஸ் - 1/4 கப்
மிளகுப் பொடி - 1/4 தேக்கரண்டி
உப்பு - தேவைக்கேற்ப
எலுமிச்சைசாறு - சில துளிகள்
செய்முறை: குடை மிளகாயை நீளவாக்கில் 4 சமமான துண்டுகளாக வெட்ட வேண்டும். ஒரு அகலமான பாத்திரத்தில் வெட்டிய குடை மிளகாய்களை பக்கம் பக்கமாக சீ
ராக அடுக்க வேண்டும். வேறு ஒரு பாத்திரத்தில் கோஸ், வெங்காயம், பச்சை மிளகாய் ஆகியவற்றைக் கலந்து மைக்ரோ ஹையில் வேகவைக்க வேண்டும். ஏறக்குறைய 3 நிமிடங்கள் இடையிடையே கிளறிவிட்டு வேகவைக்க வேண்டும். உருளைக் கிழங்கை உதிர்த்து அதில் மிளகுப் பொடி, உப்பு, எலுமிச்சைசாறு, மெயோனோஸ், ரு கப் சீஸ் ஆகியவற்றைக் கலந்து அதனுடன் கோஸ் கலவைச் சேர்த்துக் கிளறி, குடைமிளகாய்த் துண்டுகளில் நிரப்ப வேண்டும். மீதியாக இருக்கும் துருவிய சீஸை அவற்றின் மேல் தூவி மைக்ரோ ஹையில் 3 நிமிடங்கள் சமைக்க வேண்டும்.
தக்காளி சாஸ் அல்லது சில்லி சாஸுடன் பரிமாறலாம்.
கார்லிக் ப்ரான்ஸ்
தேவையான பொருட்கள்:
பட்டர் - 150 கிராம்
அரைத்த பூண்டு - 2 தேக்கரண்டி
எலுமிச்சைசாறு - ஒரு மேசைக்கரண்டி
மிளகாய்ப் பொடி - ஒரு தேக்கரண்டி
மிளகுப்பொடி - ஒரு தேக்கரண்டி
மஞ்சள்பொடி - 1/4 தேக்கரண்டி
கறிவேப்பிலை அல்லது
கொத்துமல்லி இலை -2 மேசைக் கரண்டி.
உப்பு - தேவையான அளவு.
சுத்தம் செய்து கழுவிய இறால் - 300 கிராம்.
செய்முறை: பட்டர், பூண்டு ஆகியவற்றை ஒரு பாத்திரத்தில் போட்டு மைக்ரோ ஹையில் 2லிருந்து 3 நிமிடங்கள் சூடேற்ற வேண்டும். எலுமிச்சம்சாறு, கொத்துமல்லி இலை, உப்பு, மஞ்சள், மிளகாய்ப் பொடி, மிளகுப் பொடி, உப்பு ஆகியவற்றை இறாலுடன் கலந்து பிசைந்து மூடி, 4 நிமிடங்கள் மைக்ரோ மீடியத்தில் வேகவைக்க வேண்டும். இடையே கிளறி விடவேண்டும். அதன்பின் மூடிய பாத்திரத்தை 5 நிமிடங்கள் மைக்ரோ ஓவனிலேயே வைக்க வேண்டும். (Standing Time)
Subscribe to Posts [Atom]
Post a Comment