வாய்க்கு ருசியாக....

உப்புக் கொழுக்கட்டை

தேவையான பொருட்கள்: பூரணம் செய்ய:
உளுத்தம் பருப்பு-ஒரு கப், காய்ந்த மிளகாய், பச்சை மிளகாய், உப்பு சுவைக்கேற்ப.

செய்முறை: உளுத்தம் பருப்பை ஊற வைத்து, தண்ணீரை சுத்தமாக வடித்து, காய்ந்த மிளகாய், பச்சைமிளகாய், உப்பு சேர்த்து கிரைண்டரில் அரைத்துக் கொள்ளவும். இதை இட்லிப் பாத்திரத்தில் பருப்பு உசிலி போல வேக வைத்து உதிர்த்துக் கொள்ளவும். வாணலியில் கடுகு, கறிவேப்பிலை, பெருங்காயத்தூள் போட்டுத் தாளித்து, அதில் ரெடியாக உள்ள பூரணம், தேவையான உப்பு, சிறிதளவு தேங்காய் துருவல் சேர்த்துக் கிளறினால் பூரணம் ரெடி. வெல்லக் கொழுக்கட்டையில் சொல்லியிருக்கிறபடி மேல் மாவை ரெடி செய்து, சோமாஸ் ஹேப்பில் உள்ளே பூரணம் வைத்து மூடி ஆவியில் வேக விடவும்.

கடலைப்பருப்பு பாயசம்

தேவையான பொருட்கள்: கடலைப்பருப்பு-ஒரு கப், பாசிப்பருப்பு-ஒரு கப், வெல்லம்-ஒரு கப், முந்திரி, திராட்சை, நேந்திரப் பழத் துண்டுகள்-சிறிதளவு.

செய்முறை: வெறும் வாணலியில் முதலில் கடலைப் பருப்பை பொன்னிறமாக வறுக்கவும். முக்கால் அளவு வறுபட்டபின் அத்துடனே பாசிப்பருப்பையும் போட்டு பொன்னிறமாக வறுக்கவும். வறுத்த பருப்புகளை நீரில் அலசி, வேக விடவும். இது வெந்து கொண்டிருக்கும் போதே, பக்கத்துஅடுப்பில் வெல்லத்தைத் தட்டி தண்ணீரில் போட்டு கொதிக்க வைக்கவும். இத்துடன் வெந்த பருப்பைப் போட்டுக் கிளறினால் கடலைப்பருப்பு பாயசம் ரெடி!