வாய்க்கு ருசியாக....

தேவையானவை: பேபி கார்ன் - 6 (சிறு சிறு துண்டுகளாக்கவும்), அரிசி - ஒரு கப், வெங்காயம், தக்காளி - தலா ஒன்று (நறுக்கியது), இஞ்சி-பூண்டு விழுது - ஒரு டீஸ்பூன், கீறிய பச்சை மிளகாய் - 3, பட்டை - ஒரு சிறிய துண்டு, ஏலக்காய் - தலா ஒன்று, கிராம்பு -சிறிதளவு, சோம்பு - கால் டீஸ்பூன், புதினா, கொத்தமல்லி - சிறிதளவு, உப்பு, எண்ணெய் - தேவையான அளவு.
செய்முறை: குக்கரில் எண்ணெய் விட்டு பட்டை, கிராம்பு, ஏலக்காய், சோம்பு தாளித்து, பச்சை மிளகாய், வெங்காயம், தக்காளி சேர்த்து வதக்கவும். இஞ்சி-பூண்டு விழுது சேர்த்து பச்சை வாசனை போகும் வரை வதக்கி, பேபி கார்ன் போட்டு வதக்கவும். பிறகு, அரிசி, புதினா, கொத்தமல்லி, உப்பு சேர்க்கவும். 2 கப் தண்ணீர் விட்டு குக்கரை மூடி, ஒரு விசில் வந்ததும், 10 நிமிடம் அடுப்பை 'சிம்'மில் வைத்து, இறக்கவும்.